جمعه 12 شهریور 1395ده گؤنده ریلیب
بایاتیلاریمیز2-(از کتاب بایاتیلار به کوشش مرحوم دکتر محمد علی فرزانه)
بؤلوم | بایاتیلار       یازار :  ائلچی بئی
+0 به یه ن(بپسند)
عزیزیم موشکول آچار
بیربوُداق اوچ گول آچار
یاپیش آل علی دن
اوْیاخشی موشکول آچار
////
قیزیل گول اوچ گول آچار
اوچ یارپاق اوچ گول آچار
چاغیرسان ابوالفضلی
اوْیاخشی موشکول آچار
////
الینده وار بوْل آچار
قیفیل آچیلدی ناچار
ایگیت آغزینی آچماز
بَرک آیاقدا قوْل آچار
////
داغدان گلر سئل آخار
یار گول درر گول تاخار
ایگیت اوز اوزه گلسه
بیر-بیرینه دیک باخار
/////
اوْتا ی بو تایا باخار
آراسیندان سوُ آخار
کوْر اوْلسون منیم گؤزوم
سنسیز دونیایا باخار

آچار سؤزلر : بایاتیلاریمیز, بال بایاتیلار, دکتر فرزانه, بایاتی ترکی, اوْتا ی بو تایا باخا, عزیزیم موشکول آچار, قیزیل گول اوچ گول آچ,
جمعه 12 شهریور 1395ده گؤنده ریلیب
بایاتیلاریمیز-(از کتاب بایاتیلار به کوشش مرحوم دکتر محمد علی فرزانه)
بؤلوم | بایاتیلار       یازار :  ائلچی بئی
+0 به یه ن(بپسند)

آغاجدا خَزله باخ
دیبینده گؤزله باخ
آیاق یالین-باش آچیق
سرگردان گزنه باخ
//////
داغلاردان ائنَنه باخ
ائوینه دؤنَنه باخ
موُرادینا چاتماییب
چیراغی سؤنَنه باخ
////
منقل اوْلدوم کولوم یوخ
بولبول اوْلدوم دیلیم یوخ
سندن آیری دوشه لی
آغلامامیش گونوم یوخ
///
من عاشیق اوزوموم یوخ
باغیم وار اوزوموم یوْخ
سن کی بئله تئز گئتدین
فراقا دؤزوموم یوخ
/////
گئجه نین آیینا باخ
اوُلدوزون سایینا باخ
یار یوْلوندا جان قوْیدوم
وئردیگی پایینا باخ

آچار سؤزلر : بایاتی ترکی, گئجه نین آیینا باخ, آغاجدا خزله باخ, بال بایاتی, ترکی بایاتی, بایاتی, من عاشیق,


  • [ 1 ]